‘వినయ విధేయ రామ’ సినిమా టీజర్

‘భయపెట్టాలంటే పంది నిమిషాలు.. చంపేయాలంటే పావుగంట’.. అంటూ కత్తి దూస్తూ ఉగ్రరూపం దాల్చాడు రామ్ కొణెదల. దీపావళి కానుకగా మెగా పవర్ స్టార్ రామ్ చరణ్ నటించిన ‘వినయ విధేయ రామ’ ఫస్ట్ లుక్‌కి అద్భుతమైన రెస్పాన్స్ రావడంతో శుక్రవారం నాడు (నవంబర్ 9) ఈ మూవీ టీజర్‌ను విడుదల చేసింది చిత్రయూనిట్. రామ్ చరణ్, బోయపాటి కాంబోలో తెరకెక్కిన మాస్ యాక్షన్ ఎంటర్‌టైనర్ చిత్ర టైటిల్, ఫస్ట్‌లుక్‌తో అంచనాలను పెంచేసింది. టైటిల్‌లో వినయం ఉన్నప్పటికీ రామ్ చరణ్‌లో వీరత్వాన్ని చూపించారు దర్శకుడు బోయపాటి. 

‘భరత్ అనే నేను’ చిత్రంలో మహేష్‌తో జోడీకట్టిన బాలీవుడ్ భామ కైరా అద్వానీ ఈ చిత్రంలో హీరోయిన్‌గా నటిస్తుండగా.. రాక్ స్టార్ దేవి శ్రీ ప్రసాద్ సంగీతం అందిస్తున్నారు. డి.వీ.వీ.ఎంటర్‌టైన్మెంట్ బ్యానర్‌‌లో దానయ్య డి.వి.వి ఈ చిత్రాన్ని నిర్మిస్తున్నారు. ఈ చిత్రంలో బాలీవుడ్ నటుడు వివేక్ ఒబెరాయ్ ప్రతి నాయకుడిగా నటిస్తున్నారు. వచ్చే సంక్రాంతికి ‘వినయ విధేయ రామ’ థియేటర్స్‌లో వీరత్వాన్ని ప్రదర్శించనున్నాడు. 

 

 

Spread the love

Leave a Reply

Your email address will not be published. Required fields are marked *

*