తన కోడల్లో ఏమి క్వాలిటీస్ ఉండాలో చెప్పిన…..విజయ్ తల్లితండ్రులు

విజయ్ దేవరకొండ, రష్మిక మండాన్నా జోడీగా పరశురామ్ (బుజ్జి) దర్శకత్వంలో తెరకెక్కిన ‘గీత గోవిందం’ ఇటీవల విడుదలై బ్లాక్ బస్టర్ హిట్ కావడంతో ఆదివారం నాడు సక్సెస్ మీట్‌ను నిర్వహించారు. హైదరాబాద్‌లో జరిగిన ఈ గ్రాంగ్ ఈవెంట్‌కు మెగాస్టార్ చిరంజీవి ముఖ్య అతిథిగా హాజరయ్యారు. ఈ కార్యక్రమంలో విజయ్ దేవరకొండ తల్లిదండ్రులు తమ ఇంటికి కాబోయే కోడలులో ఎలాంటి క్వాలిటీస్ ఉండాలో తెలియజేశారు. 

‘గీత గోవిందం’ సినిమాలో తనకు కాబోయే భార్య ఎలా ఉండాలో విజయ్ చెప్పాడు.. మరి మీ ఇంటికి రాబోయే కోడలు ఎలా ఉండాలని అనుకుంటున్నారని యాంకర్ సుమ.. విజయ్ తండ్రిని అడగగా.. కోడలు గురించి అయితే మా ఆవిడ చెబుతుందని మైక్‌ని పక్కనే ఉన్న ఆమె భార్యకు ఇచ్చారు. ‘నా కొడుకును మంచిగా చూసుకునే కోడలు వస్తే చాలు.. అన్ కండిషనల్ లవ్ చూపిస్తే చాలు. ఒకర్నొకరు అర్ధం చేసుకుని కోడలు ఉంటే చాలన్నారు విజయ్ దేవరకొండ తల్లి’. 

అనంతరం విజయ్ దేవరకొండ తండ్రి మాట్లాడుతూ.. ‘వాడికి ఎవరు నచ్చితే వాళ్లని చేసుకోవచ్చు. నాకు ఎలాంటి అభ్యంతరం లేదు ఎక్స్‌పెక్టేషన్ లేదు అన్నారు. దీనికి యాంకర్ సుమ కల్పించుకుని జాతి, కులం, మతం వీటితో సంబంధంలేదా? అని అడగ్గా.. లేదు అని ఆన్సర్ ఇచ్చారాయన. రాష్ట్రం, దేశంతో కూడా సంబంధం లేదా? అంటే మనదేశం అమ్మాయి అయితే బెటర్.. సౌత్ ఇండియా అమ్మాయి అయితే ఇంకా బెటర్. మళయాలం, తెలుగు, తమిళం వాళ్లు ట్రై చేసుకోవచ్చని అన్నారు విజయ్ తండ్రి. 

చివర్లో సుమ కల్పించుకుని.. ‘మీరు ఇలా అంటున్నారు కాని మీ అబ్బాయి నాకు గర్ల్ ఫ్రెండ్ ఉందని అంటున్నారు. దీనిపై మేం ఆరా తీయాలి. మమ్మల్ని ఊహాలోకంలో పెట్టేశాడేమో అని డౌట్ వస్తుంది’ అంటూ ముక్తాయింపు ఇచ్చింది కాని.. విజయ్ దేవరకొండ ప్రేమించే అమ్మాయి ఎవరో గుట్టు ఇవ్వలేదు. 

Spread the love

Leave a Reply

Your email address will not be published. Required fields are marked *

*