తిరుపతిలో శ్రీవారి సేవకు హాజరైన శ్రీలంక ప్రధాని దంపతులు…..!

 

తిరుపతిలో శ్రీవారి సేవకు హాజరైన శ్రీలంక ప్రధాని దంపతులు…..! తిరుమల వెంకన్నను శ్రీలంక ప్రధాని రాణిల్ విక్రమ సింఘే సతీసమేతంగా దర్శించుకున్నారు. వీఐపీ బ్రేక్ దర్శన సమయంలో ఆలయం దగ్గరకు వచ్చిన దంపతులకు టీటీడీ అధికారులు స్వాగతం పలకగా తర్వాత స్వామివారి సేవలో పాల్గొని మొక్కులు చెల్లించుకున్నారు. దర్శనం అనంతరం రంగనాయకుల మండపంలో విక్రమసింఘే దంపతులకు ఆలయ వేదపండితులు ఆశీర్వచనాలు అందజేశారు. టీటీడీ జేఈవో శ్రీనివాసరాజు వారికి శ్రీవారి చిత్ర పటాన్ని, తీర్థ ప్రసాదాలను ఇచ్చి పట్టు వస్త్రంతో సత్కరించారు. 

తిరుమల శ్రీవారిని దర్శించుకోవడం చాలా ఆనందంగా ఉందన్నారు శ్రీలంక ప్రధాని విక్రమ సింఘే. స్వామివారి దర్శనానికి ఏర్పాట్లు చేసిన రాష్ట్ర ప్రభుత్వానికి, టీటీడీకి ధన్యవాదాలు తెలిపారు. శ్రీలంక, భారత్ మిత్ర దేశాలని పరస్పరం సహకరించుకుంటూ ముందుకు సాగాలని ఆకాంక్షించారు. భారత ప్రభుత్వం పరస్పర సహకారంతో డీప్ సీ ఫిషర్ మెన్ సమస్యలు సానుకూలంగా పరిష్కరమైందని విక్రమసింఘే అన్నారు. శ్రీలంక ప్రధాని రావడంతో భద్రతను కూడా కట్టుదిట్టం చేశారు మన పోలిస్ శాఖ. 

Spread the love

Leave a Reply

Your email address will not be published. Required fields are marked *

*