జూపూడి ఇంటిలో దొరికిన 15 లక్షలు

తెలంగాణ శాస‌న‌స‌భ ఎన్నిక‌ల నేప‌ధ్యంలో రాజ‌కీయ‌పార్టీల ప్ర‌చారం నిన్నిటితో ముగిసింది. ఈ క్ర‌మంలో ఆయా పార్టీలు ప్ర‌లోభాలు మొద‌లుపెట్టారు. పోలింగ్ టైమ్ ద‌గ్గ‌ర‌ప‌డ‌డంతో ఓట‌ర్లు ఆక‌ట్టుకునేందుకు పార్టీలు ప‌లు రాకాలుగా ప్ర‌య‌త్నిస్తున్నారు. ఈ క్ర‌మంలో ఎక్క‌డిక‌క్క‌డ లోపాయికారీ ఒప్పందాలు, పంప‌కాలు, ప్ర‌లోభాలకు తెర‌లేపారు అభ్య‌ర్ధులు. ఎన్నిక‌ల నేప‌ధ్యంలో ఇలాంటి ప్ర‌లోభాలు జ‌రుగుతాయ‌ని తెలిసి ఈసీ ఎన్నిక‌ల నోటిఫికేష‌న్ విడుద‌లైన‌ప్ప‌టి నుండే ఫోక‌స్ పెట్టింది.

ఇక తాజాగా బుధ‌వారం రాత్రి ఏపీ కార్పోరేష‌న్ చైర్మ‌న్ జూపూడి ప్ర‌భాకర్‌రావు నివాసం వ‌ద్ద పెద్ద ఎత్తున న‌గ‌దు ల‌భించ‌డం రాజ‌కీయ‌వ‌ర్గాల్లో హాట్ టాపిక్ అవుతోంది. కూక‌ట్‌ప‌ల్లిలో టీడీపీ అభ్య‌ర్ధి సుహాసిని విజ‌యం కోసం శ్ర‌మిస్తున్న జూపూడి ద‌గ్గ‌ర‌కి బుధ‌వారం రాత్రి ముగ్గురు యువ‌కులు డ‌బ్బుమూట‌ల‌తో వ‌చ్చార‌ని.. దీంతో జూపూడి వాహ‌నం గ‌మ‌నించిన టీఆర్ఎస్ నేతలు పోలీసుల‌కు ఫిర్యాదు ఇవ్వ‌డంతో పోలీసులు రాగా ఇద్ద‌రు యువ‌కులు పారిపోయార‌ని, ఒక వ్య‌క్తి ప‌ట్టుబ‌డ్డాడ‌ని తెలుస్తోంది. ఇక అక్క‌డే వ‌దిలేసిన బ్యాగుల్లో దాదాపు 15 నుండి 20 ల‌క్ష‌ల వ‌ర‌కు న‌గ‌దు ఉన్న‌ట్టు గుర్తించిన పోలీసులు ఆ న‌గ‌దును సీజ్ చేశారు. దీంతో ఈ మ్యాట‌ర్ ఇప్పుడు రాజ‌కీయ‌వ‌ర్గాల్లో హాట్ టాపిక్ అవుతోంది.

Spread the love

Leave a Reply

Your email address will not be published. Required fields are marked *

*