తెలంగాణలో  ఓటు నమోదుకు నేటితో ముగియనున్న గడువు

తెలంగాణలో  ఓటు నమోదుకు నేటితో ముగియనున్న గడువు,  తెలంగాణ రాష్ట్రంలో ఓటు నమోదుకు నేటితో (నవంబర్ 9) గడువు ముగుయనుంది. ఇప్పటికీ కూడా ఓటు పొందనివారు, జనవరి 1, 2018కి 18 ఏళ్లు నిండిన వారు దరఖాస్తు చేసుకునేందుకు నేడే ఆఖరి రోజు. శుక్రవారం సాయంత్రం 6 గంటల వరకూ ఓటు హక్కును నమోదు చేసుకునే అవకాశం ఉంది. ఫొటో, వయసు ధ్రువీకరణ, చిరునామా తెలిపే గుర్తింపు కార్డులతో మండల కేంద్రాలు, పంచాయితీలు, కలెక్టరేట్ సహాయ కేంద్రాలు, బీఎల్‌వో వద్ద ఓటు నమోదు చేసుకునేందు అవకాశం కల్పించారు. 

 

 

ఇప్పటికీ ఓటర్లుగా నమోదు చేయించుకోనివారు త్వరగా నమోదు చేసుకోవాలని, ఇంటి నెంబర్లలో మార్పులు చేర్పులు ఉంటే చేసుకోవాలని కోరారు. ప్రధాన ఎన్నికల అధికారి రజత్‌ కుమార్‌ వెల్లడించారు. కొత్త సాఫ్ట్ వేర్ ద్వారా డూప్లికేట్ ఓట్లు తొలిగిస్తున్నట్టు చెప్పారు. 52,100 ఈవీఎంలు, 32,590 వివి ప్యాట్ యంత్రాలు రాష్ట్రానికి వచ్చాయన్నారు. ఈవీఎంలు అన్నీ బాగానే పనిచేస్తున్నా.. వీవీ ప్యాట్ యంత్రాల్లో 7,8 శాతం పని చెయ్యడం లేదన్నారు. సెప్టెంబర్ 25తో ఓటు నమోదు గడువు మూగిసినా.. పేర్ల సవరణ, చిరునామా మార్పు, తదితర ఇతర సవరణలకు ఈసీ గడువును ఈ నెల 9 వరకు పొడిగించిన సంగతి తెలిసిందే. 

ఓటు నమోదుకు సవరణల ఫారాలు…
✦ ఫారం 6 – ఇప్పటి వరకూ ఓటు నమోదు చేసుకోని కొత్త ఓటర్లు ఈ ఫారం పూర్తి చేయాల్సి ఉంటుంది. 
✦ ఫారం 7- ఓటరు కార్డు తొలగింపు కోసం ఈ ఫారం వినియోగించుకోవాల్సి ఉంటుంది. ఎవరైనా చనిపోయినా, వేరే నియోజకవర్గానికి మారినా.. వేరే చోటికి బదిలీ అయినా ఈ ఫారం పూర్తి చేయాల్సి ఉంటుంది.

✦ ఫారం 8- పేరు, చిరునామాల్లో దోషాలు ఉంటే సరిదిద్దుకునేందుకు ఈ ఫారం వినియోగించుకోవాల్సి ఉంటుంది. 
✦ ఫారం 8ఏ- చిరునామా మారినట్టయితే మార్పుల కోసం ఈ ఫారం పూర్తి చేయాల్సి ఉంటుంది. 

Spread the love

Leave a Reply

Your email address will not be published. Required fields are marked *

*