కేసీఆర్ కి పోటీగా గద్దర్…!

కేసీఆర్ కి పోటీగా గద్దర్…! తెలంగాణ ఎన్నికల బరిలో దిగుతానంటున్నారు ప్రజా నాయకుడు గద్దర్. సీఎం కేసీఆర్ పోటీ చేసే గజ్వేల్ నుంచి స్వతంత్ర అభ్యర్థిగా పోటీ చేస్తానంటున్నారు. గురువారం రాష్ట్ర ఎన్నికల ప్రధానాధికారి రజత్‌కుమార్‌తో భేటీ తర్వాత మాట్లాడిన ఆయన తెలంగాణ ఎన్నికలు, తాజా రాజకీయ పరిణామాలపై స్పందించారు. తాను ఏ పార్టీకి చెందినవాడిని కాదన్నారు గద్దర్. కాంగ్రెస్ అధ్యక్షుడు రాహుల్, సోనియాలను కలవడం వెనుక ఎలాంటి రాజకీయ ఉద్దేశం లేదన్నారు. సేమ్ డెమొక్రసీ నినాదాన్ని మాత్రమే వారికి వివరించానన్నారు. తెలంగాణ ఆపద్ధర్మ ముఖ్యమంత్రి కేసీఆర్ ప్రాతినిధ్యం వహిస్తున్న గజ్వేల్‌ నుంచి ఇండిపెండెంట్‌గా పోటీ చేస్తానంటున్నారు గద్దర్. ఈ నెల 15 నుంచి రాష్ట్రంలో పల్లె పల్లెకు వెళ్లాలని నిర్ణయం తీసుకున్నానని చెప్పారు. మొదటి దశలో ఎస్టీ నియోజకవర్గాల పరిధిలో ఓటు పై చైతన్యం కల్పిస్తామన్నారు.

 

 

ఇక రెండో దశలో ఎస్సీ నియోజకవర్గ పరిధిలో, మూడో దశలో బీసీలు, నాలుగో దశలో నిరు పేదల దగ్గరకు వెళ్తానని ప్రకటించారు. ఢిల్లీలో సీఐడీ అడిషినల్‌ డీజీని కలిసి తనకు భద్రతా కల్పించాలని కోరానని.. ఇవాళ సీఈఓకు కూడా వినతిపత్రం సమర్పించానని చెప్పారు గద్దర్. ప్రజాస్వామ్య వ్యవస్థలో ఎవరినైనా కలువొచ్చని.. శాంతి చర్చల కోసం ఎందరినో కలిశానన్నారు. నమ్మిన సిద్ధాంతం కోసం చివరి వరకు రక్తం చిందిస్తారో వాళ్లే చిరస్మరణీయంగా ఉంటారన్నారు. భావ ప్రకటన స్వేచ్ఛ లేకుంటే ఎన్నికలు ఎందుకు.. రాజ్యాంగం ఎందుకని ప్రశ్నించారు. 

ఇప్పుడు అవినీతి కంటే రాజకీయ అవినీతి చాలా అపాయమన్నారు గద్దర్. ఎప్పుడైనా ఫ్యూడలిస్టులు, ఇంపీరియలిస్టులు అనే రెండు వర్గాల మధ్యలోనే ఎన్నికల కొట్లాట ఉంటుందని వ్యాఖ్యానించారు.ఒక ఓటు రాష్ట్ర రాజకీయ నిర్మాణ రూపం కాబట్టి ఆలోచించి ఓటు వేయాలంటున్నారు. ఇప్పుడు తనకు ఓటు వచ్చిందని.. ఇప్పుడు ఎవరికి ఓటు వేయాలనేది సమస్య అన్నారు.

Spread the love

Leave a Reply

Your email address will not be published. Required fields are marked *

*