భారీ వర్షాలపై చంద్రబాబు ముందు జాగ్రత్తలు.. హ్యాట్సాఫ్ సీఎం….!

భారీ వర్షాలపై చంద్రబాబు ముందు జాగ్రత్తలు.. హ్యాట్సాఫ్ సీఎం….! ఆంధ్రప్రదేశ్‌లో ఎడతెరపిలేకుండా కురుస్తున్న వర్షాలతో నదులు ఉధృతంగా ప్రవహిస్తున్నందున లోతట్టు ప్రాంతాల ప్రజలను సురక్షిత ప్రాంతాలకు తరలించాలని ముఖ్యమంత్రి చంద్రబాబు అధికారులను ఆదేశించారు. భారీ వర్షాలపై జిల్లాల కలెక్టర్లు, వివిధ శాఖల అధికారులతో ఆగస్టు 20 సోమవారం ఆయన టెలీకాన్ఫరెన్స్‌ నిర్వహించారు. అన్ని జిల్లాల్లో కంట్రోల్ రూమ్‌లు ఏర్పాటు చేయాలని, ప్రజలకు ఎలాంటి ఇబ్బందులు లేకుండా చూడాలని సూచించారు.  వరద బాధితులకు సహాయ శిబిరాలు ఏర్పాటు చేయాలని, బాధితులకు ఆహారం, మందులు పంపిణీ చేయాలని చంద్రబాబు అధికారులకు ఆదేశించారు.

అధికారులు, సిబ్బంది సమన్వయంగా పనిచేయాలని ముఖ్యమంత్రి సూచించారు. ఈ కాన్ఫరెన్సులో జిల్లాల కలెక్టర్లు, వివిధ శాఖల అధికారులు పాల్గొన్నారు. వరదలతో కేరళ కకావికలం అయ్యిందని చంద్రబాబు విచారం వ్యక్తం చేశారు. ఆంధ్రప్రదేశ్‌లోనూ నదులు ఉధృతంగా ప్రవహిస్తున్నందును లోతట్టు ప్రాంత ప్రజలను సురక్షిత ప్రాంతాలకు తరలించాలని అధికారులను ఆదేశించారు. సంక్షోభాల్లోనే మన సామర్ధ్యం బయటపడుతుందని, అధికారులు, సిబ్బంది సమన్వయంగా పనిచేయాలని ముఖ్యమంత్రి సూచించారు.

అంటువ్యాధులు ప్రబలకుండా చూడాలని ఆదేశించారు. అవనిగడ్డలో పాముకాట్లపై ముఖ్యమంత్రి ఈ సందర్భంగా ఆరా తీశారు. అన్ని ఆసుపత్రులలో యాంటి వీనమ్ సీరమ్ నిల్వ ఉంచుకోవాలన్నారు. 
ప్రస్తుతం కీలక సమయమని, అందరూ అప్రమత్తంగా ఉండాలన్నారు. రెవెన్యూ, పోలీస్‌, విపత్తు నిర్వహణ శాఖల సిబ్బంది సమన్వయంతో పనిచేయాలని దిశానిర్దేశం చేశారు. ప్రాణ నష్టం నివారించడంతో పాటు ఆస్తి నష్టం తగ్గించాలని సూచించారు. అన్ని ప్రాంతాలలో లైఫ్ జాకెట్స్ అందుబాటులో ఉంచాలన్నారు. 

Spread the love

Leave a Reply

Your email address will not be published. Required fields are marked *

*