ఆసియా గేమ్స్ లో వినేశ్ ఫొగాట్ పసిడి పతకం.. గర్వించిన భారత్….!

ఆసియా గేమ్స్ లో వినేశ్ ఫొగాట్ పసిడి పతకం.. గర్వించిన భారత్….! ఇండోనేషియా వేదికగా జరుగుతున్న ఆసియా గేమ్స్ లో సోమవారం అనగా ఆగష్టు 20వ తేదీన భారత్ ఖాతాలో మరో పసిడి పతకం సగర్వంగా వచ్చి చేరింది. గేమ్స్ లో తొలిరోజైన ఆదివారం రెజ్లర్ భజరంగ్ పునియా భారత్‌కి తొలి స్వర్ణం అందించగా సోమవారం సాయంత్రం మహిళా రెజ్లర్ వినేశ్ ఫొగాట్ గారు పతకంతో మెరిసింది. 50 కేజీల విభాగంలో పోటీపడిన వినేశ్ ఫొగాట్ ఫైనల్లో 6-2 తేడాతో జపాన్ రెజ్లర్‌ యుకీ ఐరీని మట్టి కరిపించి విజేతగా నిలిచింది.

టోర్నీలో భారత్‌‌కి ఇది అయిదవ పతకంకాగా.. మూడు పతకాలు షూటింగ్‌లో వచ్చాయి. టోర్నీలో భారీ అంచనాల మధ్య అడుగుపెట్టిన వినేశ్ ఫొగాట్ తొలి రౌండ్ నుంచే అద్వితీయమైన ఆటతో ఆకట్టుకుంది. ఈరోజు మధ్యాహ్నమే ఫైనల్‌కి చేరి భారత్‌కి ఒక పతకాన్ని ఖాయం చేసిన ఈ మహిళా రెజ్లర్ ఫైనల్లో ఎలాంటి ప్రదర్శన చేస్తుందోనని అంతా ఆసక్తితో ఎదురు చూశారు. అయితే ఫైనల్ పోటీ ఆరంభంలోనే 4-0తో ఆధిక్యంలోకి దూసుకెళ్లిన వినేశ్ ఫొగాట్ చివరి వరకూ పట్టు వదలకుండా ప్రత్యర్థిని ఉక్కిరిబిక్కిరి చేసింది.

అయితే ఫైట్ మరో మూడు నిమిషాల్లో ముగుస్తుందన్న దశలో చేసిన చిన్న తప్పిదాల కారణంగా రెండు పాయింట్లు ప్రత్యర్థికి ఇచ్చినా ఫొగాట్‌కి పసిడి ఖాయమైపోయింది. భారత్ ఖాతాలో ప్రస్తుతం రెండు బంగారు, రెండు రజతాలతో పాటు ఒక కాంస్య పతకం ఉన్నాయి.

Spread the love

Leave a Reply

Your email address will not be published. Required fields are marked *

*