క్రైస్తవుల బస్సుపై ఉగ్రవాదుల కాల్పులు…!

క్రైస్తవుల బస్సుపై ఉగ్రవాదుల కాల్పులు…! ఈజిప్టు రాజధాని కైరోలో ఓ ముష్కరులు కాల్పులకు తెగబడి ఎనిమిది మందిని పొట్టన బెట్టుకున్నాడు. శుక్రవారం క్రైస్తవుల బృందం ప్రయాణిస్తోన్నఓ బస్సుపై ఉగ్రవాదులు కాల్పులకు పాల్పడిన ఘటనలో ఎనిమిది మంది మృతి చెందగా, మరో 14 మంది గాయపడ్డారు. కైరోలోని మినియా ప్రాంతంలోని ప్రార్థనామందిరానికి వెళ్లి తిరిగొస్తుండగా ముష్కరులు కాల్పులకు తెగించారు. మృతుల్లో ఆరుగురు ఒకే కుటుంబానికి చెందినవారిగా గుర్తించారు. ఈ దాడికి పాల్పడింది మేమెనంటూ ఐఎస్ ఉగ్రవాదులు ప్రకటించారు. ఉత్తర సెనాయ్‌ దాడి తర్వాత ఈ ఏడాది తామే దాడులకు పాల్పడినట్టు ఉగ్రవాదులు ప్రకటించడం ఇదే మొదటిసారి.

 

తమ మద్దతుదారులైన మహిళలను ఈజిప్టు ప్రభుత్వం అదుపులోకి తీసుకున్నందుకే ప్రతీకారంతో ఈ దాడికి పాల్పడ్డామని, మొత్తం 13 మంది హతమవ్వగా, మరో 18 మంది గాయపడ్డారని ఐఎస్ ఉగ్రవాదులు ఓ ప్రకటనలో తెలిపారు. ఏడాదిన్నర కిందట క్రైస్తవులపై ఇలాంటి దాడే జరిగింది. మే 2017లో క్రైస్తవులు ప్రయాణిస్తోన్న బస్సుపై ఉగ్రవాదులు దాడులకు పాల్పడిన ఘటనలో 28 మంది ప్రాణాలు కోల్పోయారు. మరోవైపు శుక్రవారం జరిగిన ఉగ్రదాడిని ఈజిప్టు అధ్యక్షుడు అబ్దుల్ పతేహ్ అల్ సిస్ తీవ్రంగా ఖండించారు.

ఇస్లామిక్ ఉగ్రవాదులు గత రెండేళ్లుగా మైనార్టీ వర్గాలపై దాడులకు పాల్పడటం హేయమైన చర్యగా ఆయన అభివర్ణించారు. తమ సంప్రదాయాలకు విరుద్దంగా క్రైస్తవులు ఉత్తర సినాయితోపాటు ఈజిప్టు ఇతర ప్రాంతాల్లో విస్తరిస్తున్నారనే అక్కసుతో ఐఎస్ ఉగ్రవాదులు ఈ దాడులకు పాల్పడుతోన్నట్టు అధికారులు. విశ్లేషకులు వ్యక్తంచేస్తున్నారు. 

Spread the love

Leave a Reply

Your email address will not be published. Required fields are marked *

*